مؤسسة أوّل الغيث

بسمة

قلبها الصغير ما بيخلّيها تمشي أكتر من خطوتين

بسمة

رحنا لعند أبو بسمة ومعنا ألعاب، وقلنالو: هدول الألعاب كلهم لبسمة.

قصة بسمة

بسمة إجت ع الدنيا ومعها تشوّه خلقي بالقلب. صرلهم 3 سنين ونص عم يعانوا معها، مو من اليوم ولا من مبارح. ما خلّوا دكتور إلا وراحوا لعنده، وكل الدكاترة قالوا إنها بدها عملية زراعة صمام، لأنه في صمام واقف بقلبها.

نسبة الأكسجة بدمها بتنزل لـ 50 أو 62، ولهيك ما بتقدر تمشي أكتر من خطوتين. إذا بكيت أو عصّبت، بيزرقّ تحت عيونها وبأطافرها، وبتصير عندها حالة عصبية لا شعورية وبتفقد الوعي. صار هالشي مع أبوها مرة ومرتين وتلاتة.

وإذا ما انعملت العملية، بسمة معرّضة بأي وقت لجلطة دماغية بسبب ضعف الأكسجة بالدم. يقول أبو بسمة: «صرنا بفترة إني خاف يجيني اتصال من أمها إنه بسمة فقدناها… بعيد الشر».

أبو بسمة كان يشتغل بالتمديدات الصحية، وأول ما مرضت بسمة صارت الظروف صعبة عليهم. باعوا البيت واستأجروا، وهلّق هو عم يشتغل عامل. بيقول: «أنا كل شي بملكه بعته، ولو جسمي بينباع ببيعه كرمالها».

وبيقول: «ما منتلها الحياة اللي بدها ياها، ما منتلها إنه فيها تلعب متل الأطفال… بس نحنا صابرين وراضيين بما كتب الله».

ماذا تحتاج بسمة

  • عملية زراعة صمام مستعجلة للقلب،

كيف يُصرف تبرعك

  • تكاليف عملية زراعة الصمام لبسمة.
  • المتابعة بعد العملية.

بإذن الله رح تشوفوها أحلى صبية، ورح نرجع نشوف بسمة ونطمّنكن عليها. كل 1$ رح يصنع فرق.

بسمة
بسمة
بسمة
تبرّع الآن