خالد
«الله يشفيني ويسرلي هالعملية»… دعوة خالد كل يوم بالجامع

في طفل جوّا هاد الجامع، وكل يوم بيدعي نفس الدعوة: «الله يشفيني ويسرلي هالعملية».
قصة خالد
خالد مرض من حوالي 3 شهور، وعم ياخد جرعات علاج. بيتعب أحياناً؛ في أيام بيقدر يمشي وأيام ما بيقدر، ومناعته بتنزل وبتطلعله حرارة. وبرغم كل هالشي بيضحك ويقول: «يلي كاتبه الله بدّو يصير عادي».
أبو خالد خبّرنا باختصار شديد: خالد عنده مرض بالعظم برجله، وبحاجة عملية تركيب مفصل. تكلفتها 97 مليون ليرة، يعني حوالي 7,000 دولار، وهالمبلغ ما بيقدروا عليه. وبإذن الله بعد العملية بيرجع خالد يمشي على رجله.
ولما سألنا أبو خالد شو بيحس، ما قدر يحكي، وبكى. وخالد بكى معه.
ماذا يحتاج خالد
- عملية تركيب مفصل برجله.
- تكلفتها حوالي 7,000 دولار (97 مليون ليرة).
- متابعة علاجه بعد العملية.
كيف يُصرف تبرعك
- تكاليف عملية خالد.
- المتابعة الطبية بعدها.
أخدنا جاكيت خالد أمانة، ووعدناه نرجعله ياها بعد أسبوع ومعنا خبر حلو. خالد رح يرجع لحياته، ورح يرجع لمدرسته، وكل 1$ رح يصنع فرق.



آخر التحديثات
-
رجعنا لعند أبو خالد متل ما وعدناكم. الحمد لله، بفضل محبة كل مين شاف خالد وساعده ودعاله، قدرنا نسكّر مبلغ العملية، والعملية انعملت والحمد لله على سلامة خالد.
وما خلصنا لهون: طلع لخالد رزقة كمان فوق مبلغ العملية، وسلّمنا أبو خالد 82,000,000 ليرة سورية ليأمّنوا فيهن العلاج بعد العملية وكل التكاليف.
أبو خالد بيشكر كل مين ساهم جزيل الشكر، وبيقول: «الله يوفقكم ويجزاكم الخير ويبارك فيكم». وبنشكر بشكل خاص الشخص اللي كانت إله الحصة الأكبر بالتبرع وطلب منا ما نذكر اسمه.
خالد صارت محلولة بإذن الله، وفي غيره كمان بحاجة إلكن.