محيّ الدين
لهاد السبب وافقت تشتري مني

طرقنا الباب وأنا عم بيع شنط مدرسية للأولاد الصغار. قالت أم محيّ الدين: «ابني صغير، بس ما بيروح على المدرسة»، ومع ذلك اختارت له شنطة: «إن شاء الله رح ياخد وحدة عنّية ويروح عالمدرسة». ولهاد السبب وافقت تشتري مني.
قصة محيّ الدين
محيّ الدين عمره 5 سنين، ولسا لليوم ما بيمشي. من الولادة عظمه بيتكسّر، وبينكسر على أي حركة.
قالولهم إنه بحاجة عمليات ليتقوّم العظم عنده، والدكتور خبّرهم إن العملية كتير مكلفة: بين 80 و100 مليون ليرة، يعني تقريباً 6,000 إلى 7,000 دولار. وبعدها بإذن الله بيرجع يمشي، وبيعيش حياته طبيعي، وبيصير متل هالأطفال.
أم محيّ الدين عملت كل يلي عليها: تابعت علاجه مشان يقوى العظم، لأنه كان ما بيقعد، وهلق صار يزحف. بس محيّ الدين كبر وصار تقيل، وحمله بشكل دائم صار كتير متعب. تقول: «والله كتير بيعاني منها… والله يلي خلقه هو يلي بيتولّاه. أنا دايماً بقلّه: يا رب إنت خلقته، وأحلى هدية منك».
ولما بكت، ضمّها محيّ الدين وقال: «ما بدي ياكي تبكي».
ماذا يحتاج محيّ الدين
- عمليات لتقويم العظم.
- تكلفة العمليات بين 6,000 و7,000 دولار.
- متابعة وعلاج بعد العمليات ليقدر يمشي.
كيف يُصرف تبرعك
- تكاليف عمليات محيّ الدين.
- المتابعة الطبية بعد العمليات.
وعدنا أم محيّ الدين نغيب عنها أسبوع، ونرجع بخبر يجبر بخاطرها ويغيّر حياة ابنها. كل 1$ رح يقرّبنا خطوة باتجاه العملية لمحيّ الدين.


